ДЮРДЬОВ – У просторийох Рускей школи у Дюрдьове, у рамикох 13. Фестивалу жридлового шпиваня „Най ше нє забудзе” вчера, 23. авґуста, пририхтана вистава з назву „Дакеди було…”, хтору отворела и о виложених експонатох бешедовала историчарка Любица Отич з Дюрдьова.
Теми тогорочней вистави були конопа и волна, так же виложени музейни предмети з музейней одлоги и збирки „Одлога” при грекокатолїцкей парохиї у Дюрдьове, хтори каталоґовани и музейно обробени.
Попри роботох з волни, на вистави прейґ фотоґрафийох и предметох представени процес хованя и обрабяня конопи, алє и робота з обробену конопу на кудзелї и кроснох.
Вецей фотоґрафиї у окремней ґалериї на правим боку нашого сайту.