РУСКИ КЕРЕСТУР – У парохиї св. оца Миколая, на ютре, 14. априла, по григориянским календаре припада Квитна нєдзеля. Пред полдванастову Службу Божу од 11 годзин почнє вельконоцна св. Споведз за младих и дзеци.
Квитна нєдзеля – багнїтки, то дзень на хтори ше Церква здогадує на євенгелску подїю кед Исус славно вошол до Єрусалиму як всоботу пред тим воскреснул Лазара. Теди го народ привитовал зоз палмовима конарами, та и у нашей Церкви обичай же на Квитну нєдзелю рано на утринї священїк пошвеци багнїтки хтори вирни беру до своїх домох.
Служби Божо на Квитну нєдзелю у Катедралней церкви буду – мала на 8 годзин, велька на 10, дзецинска на пол дванастей и вечарша на 19 годзин.