НОВИ САД – На ютре, 24. новембра, будзе отримана седма схадзка Скупштини АП Войводини у тим зволаню, а на дньовим шоре вибор Покраїнского защитнїка гражданох-омбудсмана, як и Одлука о блїзшим ушорйованю началох за нукашню орґанизацию и систематизацию роботних местох.
На ютре би мала буц принєшана и Одлука о додзельованю тогорочних припознаньох у обласци спорту, як и Програма розвою спорту у АПВ од 2016. по 2018. рок.
Покраїнски посланїки буду розпатрац и звит о сполньованю буджету АПВ за перши тогорочни 9 мешаци, звит о дїлованю ЯВП „Води Войводини” за прешли рок, меную и нового предсидателя, членох и секретара Покраїнскей виберанковей комисиї, як и дзепоєдних предсидательох и членох одборох Скупштини АПВ.