КОЦУР – Шаховски клуб „Oмладинєц“ у рамикох штвартого кола у Войводянскей лиґи ґрупа Бачка у Вербаше бавел процив ШК „Вербас“ и на тим змаганю коцурски шахисти зазначели побиду. Резултат бул 4:2.
Побиди зазначени на таблох на котрих бавели Любомир Турович, Ґавро Коларич и Янко Бесерминї, нєришено бавели Ґоран Попович и Стеван Перич, а свойо змаганє страцел Споменко Павичевич.
У тим колє шахисти „Oмладинцу“ були ослабени за трох своїх стандардних и моцних бавячох, алє Карло Бала, Владимир Лазор и Никола Тадич оправдано одсуствовали зоз того змаганя.
После того кола ШК „Oмладинєц“ ше находзи у стредку таблїчки, на седмим месце.
На нєдзелю коцурски шахисти дочекаю шахистох зоз ШК „Байша“, хтори єдни од кандидатох за перше место и у своїх шорох маю єдного интермайстора.