ШИД – На стредовей схадзки Оштинскей ради прилапени предклад Статуту Месних заєднїцох хтори усоглашени зоз новима законскима предписанями.
Як новинаром гварене на прес конференциї после схадзки, явни подприємства и установи дали финансийни звит дїлованя за перши три мешаци того року як и плани роботи за чечуци рок.
Тиж прилапени и звит о роботи Општинского штабу за позарядово ситуациї за 2018 рок и план активносоцох за 2019 рок хтори ускладзени зоз планом охранох од вилївох за Сримски управни округ.
Як визначел Тихомир Стаменкович, член Општинскей ради, уровнї рикох на подручю општини стабилни и нє грожа вилїви, а планує ше же би Водопривредне подприємство „Шидина” очисцело коло 10 000 кубни метери мутлянки зоз яркох и оможлївело лєпше одцеканє води.