НОВИ САД – Покраїнски секретарият за предписаня, управу и национални меншини-заєднїци сообщел же одредзене число општинских, односно городских управох нє ма занятих просвитних инспекторох, гоч то предписане зоз Законом о основох системи образованя и воспитаня.
Просвитних инспекторох нє маю општини Вербас, Ковачица, Опово, Пландиште, Сримски Карловци, Беочин, Бачки Петровец и Ириґ, та инспекцию о трошку локалней самоуправи окончує покраїнска просвитна инспекция. Дати приклад же Општина Вербас того року видвої 600 000 динари за трошки инспекцийного надпатраня.
Ресорни секретарият поволал оштински управи най шлєбодни места просвитних инспекторох пополня так же премесца, односно розподзеля особи котри сполнюю условия за роботу просвитних инспекторох, лєбо на даяки други способ.