НОВИ САД – У трицетим тогорочним чишлє новинох „Руске слово” рубрика „Тижньовнїк” пише о упечаткох з Лєтнєй школи у Попрадзе, у Словацкей и о Манифестациї „Под корунами на Штранду”, дзе ше того тижня учи руски язик.
На бокох рубрики „Нашо места” тексти о оправяню закрица на будинку вербаского КПД-а, ушорйованю Шиду и Коцура, а ту и текст о паломнїкох-шедлачох з Мадярскей котри нащивели Руски Керестур.
„Руске слово” у тим чишлє на бокох „Економиї” приноши барз информативни текст о пошлїдкох вдереня бактерийского пламенцу на паприґу у керестурским хотаре.
„Култура и просвита” понука интервю з визначним сербским писательом Драґаном Великичом, док рубрика „Людзе, роки, живот” читачом представя нємецкого младого лїкара Сашу Сопкового, родом з Керестура, а ту и драгопис з Италиї.
„Духовни живот” зазначел привит икони и мощох блаженей ш. Йосафати Гордашевскей у Водици, а на тих бокох пише и о особним папским благослову хтори достали Надьово з Бачинцох.
Рубрика „Спорт” звекшого пошвецена младим фодбалером з Коцура и Керестура, а у тим чишлє додаток „Литературне слово”.