СЕРБИЯ – У Сербиї вчера бул дзень жалосци, як почесц седем особом котри погинули пияток вноци у паданю геликоптеру нєдалєко од аеродрому „Никола Тесла“ у Беоґрадзе, а дзень жалосци преглашела Влада Сербиї. У геликоптеру Войска Сербиї були штирме припаднїки Войска, двоме медицински роботнїки зоз шпиталю у Новим Пазаре и пейцдньова беба котрей бул загрожени живот, та ю з Нового Пазару превожели до Беоґраду.
Вчера у Беоґрадзе и Новим Пазаре отримани комеморативни схадзки, а фамелийом погинутих вирази сочувствия виражели представителє найвисших державних орґанох и Войска Сербиї, док державнїком Сербиї вирази сочувствия з траґедию послали велї державнїки з иножемства. Тиж наглашене же ше помогнє фамелийом шицких особох котри настрадали.
Городска рада Нового Пазару всоботу преглашела тродньову жалосц, хтора почала вчера и тирва нєшка и на ютре.