КОЦУР – Школяре Основней школи „Братство єдинство” з Коцура на побрежю коцурскей часци беґелю Дунай-Тиса-Дунай всоботу, 10. септембра отримали роботну акцию з хтору позберали шмеце.
У акциї добродзечно участвовали коло 80 школяре од шестей по осму класу, а инициятиву за таку акцию уж пейц роки порушує наставнїк историї Йовица Лондрович. Школяре и осмеро наставнїки шмеце зберали на вецей местох побрежя коло моста, а по законченей акциї мали заєднїцки полудзенок на Пелетовим салашу.
Попри Пелета и Школи, як орґанизатора, спонзоре роботней акциї були и месари „Супермикс” и „ТриС”, Драґан Рашета, як и Месна заєднїца Коцур, хтора виплацела мехи за шмеце и рукавици за акцияшох.
Отримованє тей роботней акциї потримує и Добродзечне огньогасне дружтво Коцур, чийо члени позберали мехи и однєсли их на шмециско.