Отримана треца порядна схадзка Одбору за образованє

автор м. афич
399 Опатрене

РУСКИ КЕРЕСТУР – У Руским Керестуре всоботу, 11. септембра, отримана треца порядна схадзка Одбору за образованє Националного совиту Руснацох, а на нєй розпатрани активносцох медзи двома схадзками  и актуални питаня з тей обласци.

На схадзки визачене же векшина учебнїкох на руским язику уж при школярох, єдна часц будзе нєодлуга, алє нєизвесне кеди буду за руски язик и музичну културу цо видава дакедишнї Завод тє. Центер за нїзкотиражни учебнїки. Тиж порушане и видаванє нових учебнїкох за ґимназию.

На схадзки присутни поинформовани же знїманє годзинох руского язика скоро закончене, окрем за седму класу, и глєдало ше ришенє як и тото витвориц. Винєшена и информация о числу уписаних школярох до руских оддзелєньох и до предшколскей установи.

Од будуцих активносцох, Одбор одлучел орґанизовац семинар за прекладательох учебнїкох и лекторох, найвироятнєйше концом октобра, а на тему дилемох и усоглашованє терминолоґиї и подобне.

Одбор тиж будзе орґанизовац нащиву дзецох з наших местох представом за дзеци кед же их будзе на Драмским мемориялу Петра Ризнича Дядї.

На схадзки Одбору присуствовали и предсидатель Националного совиту и представителє Школи Петро Кузмяк.

ПОВЯЗАНИ ТЕКСТИ