ВЕРБАС – Всоботу, 24. марца, у Културно-просвитним дружтве „Карпати” отримани Вечар Тараса Шевченка, українского поети, уметнїка и борца за народни препород.
Госцох привитал предсидатель Дружтва Славко Барановски, после хторого пригодни слова виповедли и предсидатель Општини Вербас Милан Ґлушац и предсидатель Националного совиту Українцох у Сербиї Михал Кржачек.
У сали була поставени вистава фотоґрафийох и репродукциї дїлох Тараса Шевченка, як и вистава фотоґрафийох члена КПД „Карпати” Бориса Барановского, а у програми, окрем членох Дружтва, участвовали и члени КПД „Иван Сенюк” з Кули.
На самим початку приказани и филм о живоце велького поети, а у програми участвовали и школяре хторих пририхтала учителька Оля Станков, а з хторима на бини приповедал Василь Дацешен.
Манифестацию нащивели и помоцнїца предсидателя Општини Йована Вуйтович, член Општинскей ради задлужени за културу Боян Периз, директор Културного центру Вербас Рихард Хенґл и други госци.
Програму водзела Єлена Кузма, а потим орґанизоване друженє у просторийох Дружтва.
