НОВИ САД – У найновшим числу Руского слова, Тижньовнїк, пише о порученьох зоз отвераня 65. Фестивалу рускей култури „Червена Ружа” и конференциї о меншинских медийох отриманей у Новим Пазару.
На бокох рубрики Нашо места мож пречитац текст о отриманей Скупштини општини Кула, о госцованю дюрдьовского Културно-уметнїцкого дружтва „Тарас Шевченко” на 54. Фолклорним фестивалу „Танцуй, танцуй…” у Ґложану, а ту и други активносци зоз наших местох.
На бокох Економиї текст о продуковательки квеца Дунї Мостарлич зоз Шиду, як и о тлачидби жита и олейовей цвиклочки у дюрдьовским хотаре и одкосох жита и ярцу у Коцуре.
Рубрика Людзе, роки, живот у тим чишлє представя особне искуство зоз зоогиґиєни у Кули, док на бокох Дружтво мож пречитац ище єдно предлуженє о трох ювилейох ґимназиї у Руским Керестуре. На бокох Духовни живот текст о преподаваню о церкви и штучней инталиґенциї. Култура и просвита у тим чишлє понука звит зоз 65. Фестивалу рускей култури „Червена ружа” у Руским Керестуре.
На Спорту, попри стандардних фодбалских змаганьох, и текст о успиху Альоши Дюранїна котри преглашени за найлєпшого ґолмана.
Як додатки у тим чишлє вишол Мозаїк и Дикица, а ту и смачни рецепт на боку Хладок и горуци тепши.