ДЮРДЬОВ – У другей половки юния у Дюрдьовским хотаре почала тлачидба жита и олєйовай цвиклочки. Як польопривреднїки гваря, жито, того року, з векшого зродзело слабше як влонї, а олєйова цвиклочка котрей дакеди було барз мало у тим хотаре, зродзела лєпше як прешлих рокох.
Олєйова цвиклочка тей сезони просеково начурела коло 2500-3000 кили, алє заш лєм єст и тих котрим начурело коло 2200 кили по ланцу. Док жита начурело медзи 2,5 по 4 тони по ланцу, алє єст и тих котри мали вецей як штири тони.
Одкупна цена олєйовей цвиклочки початком тижня була 58 и 59 динари. Аконтацийна цена жита 19 и 20 динари.
Остатнї роки, та так будзе и того найвироятнєйше, после жита и олєйовей цвиклочки ше перше будзе кошиц слунечнїк, а потим найвироятнєйше вєдно кукурицу и сою. Тоти култури, за тераз випатраю добре.
