РУСКИ КЕРЕСТУР – Дружтво за руски язик литературу и културу, 30. юния, у голу Школи Петро Кузмяк, додзелєло припознаня за 2026. рок, зоз меном Янко Олеяр, Славка Сабадош и др Яков Кишюгас.
Припознаня Славка Сабадош достали школяре Основней школи Андрей Чизмар зоз IVа и Марко Еделински зоз IVб класи, Надя Горняк и Доротеа Рамач школярки VIIIа класи, док припознанє з меном Янко Олеяр достала матурантка Ґимназиї на руским язику Анита Чизмар.
Награду з меном др Яков Кишюгас Дружтвоза руски язик уведло пред двома роками, насампредз у обласци змаганя зоз руского язика, виробку тестох и за нови кнїжки по руски.
На тот завод, тото припознанє з меном др Яков Кишюгас за 2026. рок, достала маст. Тамара Хома, професорка руского язика зоз Руского Керестура, авторка кнїжки Руски язик медзи карпатскима славянскима язиками и їх диялектами, як и Любо Рац зоз Нового Орахова и Олена Папуґа зоз Руского Керестура, авторе кнїжки Вично тирва 13. май.
Пред тим як цо подзелєни припознаня, пречитани и кратки биоґрафиї особох по хторих наволани награди котри Дружтво уж роками додзелює у шицких местох дзе ше пестує руски язик.
Окрем припознаньох, наградзени школяре достали и прикладнїк часописа Дружтва за руски язик, литературу и културу Studia Ruthenika, а уручела их Ирина Папуґа. Додзельованю присуствовали и члени секциї Дружтва у Руским Керестуре як и учителє школяркох, Нада Колошняї и Марко Новакович.
