ШИД – У хотарох у општини Шид косидба ярцу закончена, а при концу и косидба жита.
Просекови урожай ярцу коло 40 метери по гольту, а урожай жита од 40 по 50 метери по гольту.
Гектолитерска чежина за жито ше рушала помедзи 77 и 82, а влага медзи 10 и 11 одсто. Парасти наглашию же урожаї приблїжни як и лоньски, алє гваря же одкупна цена хтора виноши 19-20 динари за килограм нєдостаточна же би ше дацо и заробело маюци у оглядзе звекшани трошки укладаня до продукциї.
У Шидзе ше жито одкупює на трох местох, хто вжал репроматериял муши го виплациц, а векшина єдну часц урожаю зохабела на „чуваню” з наздаваньом же о даскельо мешаци цена жита будзе звекшана.
Кед слово о комбайнованю, влонї ше комбайновало за 8.000 динари по гольту, а того року цена звекшана на 10.000 динари по гольту.