КУЛА – Штварта схадзка Скупштини општини Кула будзе отримана на вовторок, 30. юния, у Велькей сали СО Кула, улїца Ленїнова число 11 на 10 годзин.
На дньовим шоре будзе 14 точки и то: Предлог Одлуки о консолидованим Закончуюцим рахунку буджету општини Кула за 2025. рок, Предлог Одлуки о виробку вименкох и допольнєньох Плану ґенералней реґулациї населєного места Кула, Предлог Одлуки о оцудзеню будовательней жеми зоз явней власносци општини Кула, Предлог Одлуки о порушованю поступку прибавяня до явней власносци општини Кула нєрухомосци зоз нєпоштредну догварку, Предлог Одлуки о порушованю поступку за оцудзенє совласнїцкей часци нєрухомосци зоз явней власносци општини Кула, Предлог Одлуки о преношеню права явней власносци Автономней покраїни Войводини до явней власносци општини Кула, на нєрухомосц, без надопольнєня, Предлог Одлуки о вименки и допольнєню Одлуки о витворйованю права и услугох у обласци социялней защити зоз компетенциї општини Кула.
Тиж ту и Предлог програми злєпшаня социялней защити у општини Кула за период од 2026. по 2028. рок, Предлог Програми потримовки за запровадзованє польопривредней политики и политики руралного розвою за општину Кула за 2026. рок, Предлог Одлуки о прилапйованю рочного ликвидацийного звиту ЯП „Завод за вибудов” Кула – у ликвидациї и предлог Одлуки о прилапйованю финансийного плану ЯП „Завод за вибудов” Кула – у ликвидациї зоз станом на дзень 31.12.2025. року, Предлог Одлуки о прилапйованю звитох о роботи установох чий снователь општина Кула за 2025. рок: Културни центер Кула, Дом култури Червинка, Дом култури Сивец, Дом култури Руски Керестур и Народна библиотека Кула, Предлог Одлуки о прилапйованю Звита о роботи Општинского штабу за позарядово ситуациї општини Кула за 2025. рок, як и Предлоги Ришеньох о: розришеню и вибору – менованю предсидательох и членох роботних целох (комисийох) Скупштини општини Кула, розришеню директора и Ришеню о менованю окончователя длужносци директора Центра за социялну роботу општини Кула, розришеню и менованю предсидателя и членох Надпатраюцого одбора явних подприємствох чий снователь општина Кула, розришеню и менованю предсидателя и членох Управного и Надпатраюцого одбора установох чий снователь општина Кула, розришеню и менованю членох Школского одбора ОШ „Петефи бриґада” Кула, а за конєц охабени одборнїцки питаня.