КУЛА/РУСКИ КЕРЕСТУР – Општина Кула розписла Явну поволанку за финансованє спортских манифестацийох и програмох, як и за спортски активносци хтори ше финансує зоз самодприносох у Руским Керестуре и Липару.
За финансованє програмох орґанизованя спортских манифестацийох у кулскей општини з буджету Општини опредзелєни 2 милиони динари, а за спортски програми хтори ше финансує зоз самодоприносу вєдно 830 000 динари.
Спортски орґанизациї з Руского Керестура можу конкуровац за 730 000 динари з керестурского самодоприносу – за финансованє трошкох набавяня спортскей опреми и финансованє програмох и проєктох за хтори нє достали пенєж на основи явних конкурсох за финансованє змаганьох и окремних програмних активносцох.
Прияву на конкурс, хтору мож найсц на сайту Општини Кула – www.kula.rs, треба придац найпознєйше 15. юния до 14 годзин на Писарнїцу Општини Кула.