НОВИ САД – Опрез Радио-телевизиї Войводини и нєшка, 24. юния будзе орґанизована музична манифестация РТВ пикник – вежнї покровец.
Манифестация ше орґанизує два днї, вовторок и стреду, 23. и 24. юния.
Опрез будинку Радио-телевизиї Войводини на Мишелуку одгукню рижни звуки популарних мелодийох филмскей, еверґрин и поп-музики хтори порихтал Александар Дуїн оркестер.
Вчера, програму отворел наступ Дзецинского оперского студия Сербского народного театра, а потим наступели Вельки тамбурови оркестер РТВ и Вельки народни оркестер РТВ зоз вокалнима солистами. Слухало ше традицийну народну музику и инструментални мелодиї.
Програма почина на 17:00 годзин. Уход ше нє наплацує.
Городске транспортне подприємство Нови Сад оможлївело додатни термини автобусох хтори вожа на Мишелук.