НОВИ САД – У найновшим числу Руского слова, у рубрики Тижньовнїк, пише о положеню женох припаднїцох националних меншинох, док на бокох рубрики Нашо места о акциї ушорйованя двора у керестурскей школи, Добродзечне огньогасне дружтво у Дюрдьове достало опрему, а ту и рижни други активносци зоз наших местох.
На бокох Економиї мож почитац текст о пчоларки Йолани Шовань зоз Шиду, и Михайлови Тиркайлови з Керестура о його рибалове и предаваню риби. Рубрика Людзе, роки, живот у тим чишлє представя Гелену Зубанов зоз Нового Саду, док на бокох Дружтва свойо огляднуце на ґимназийски днї дали малженска пара Ксения и Михайло Бодянцово.
Култура и просвита у тим чишлє, медзи иншим, понукаю звит зоз Фестивалу тамбурових оркестрох Мелодиї Руского двору у Шидзе, матурантом керестурскей штреднєй школи уручени дипломи, а наявени и фестивал рускей култури Червена ружа.
Рубрика Духовни живот свойо боки пошвецела розгварки зоз наставнїцу виронауки Татиану Барна зоз Дюрдьова, а ту и текст о духовних вежбох за священїкох у Шидзе. На Спорту, попри стандардних фодбалских змаганьох, и звит зоз Дринґацких обегованьох хтори отримани на керестурских Лейох, як и Обегованє товаришства хторе отримане у Кули.
Як додатки у тим чишлє вишло Литературне слово, а ту и смачни рецепт на боку Хладок и горуци тепши.