ВЕРБАС – На соботу, 20. мая, у Вербаше будзе отримани Хорски фестивал „Карпати“, на хторим наступя аж шейсц хори – Хор Дому култури Руски Керестур и Катедралней церкви св. о. Миколая з Руского Керестура, Хор „Гармония“ з Нового Саду, Хор „Розанов“ з Дюрдьова и домашнї Хор КПД „Карпати“ з Вербасу, а як госци участвую Хор Єврейскей општини „Хашира“ з Нового Саду, „Бачки шпиваче“ з Вербасу, та шпивацки ґрупи-хори з Києва и Львова, з України.
Орґанизатор Фестивалу, хтори и у Календаре репрезентативних манифестацийох Националного совиту Руснацох, вербаске Културно-просвитне дружтво „Карпати”, а на основи потвердзеного участвованя, тогорочни Фестивал будзе єден з найчисленших дотераз.