ДЮРДЬОВ – У грекокатолїцкей церкви Рождества Пресвятей Богородици у Дюрдьове, вчера отримана Перша св. Причасц.
На служби Божей з початком на 10 годзин Святу Тайну Причасци прияли 13 школяре другей и трецей класи, од того пейц дзивчата и осемцме хлапци.
Службу Божу провадзел церковни хор „Розанов”, а на самим концу служби о. Михаил Холошняй каждому першопричашнїкови подаровал молитвенїк, як здогадованє на тоту важну подїю у их живоце.
