ШИД/БИКИЧ – Першу Службу Божу у Шидзе у церкви Преображеня Господнього внєдзелю, 7. юния вєдно зоз домашнїм парохом о. Михайлом Режаком служел о. Иван Дацешен.
Вон и кратко наказовал и представел свою биоґрафию и додал же зоз Христом шицко можлїве, бо чловека провадзи його любов и моц.
О. Дацешена у мено Церковоно одбору привитал и придал му букет квеца и дарунок Владимир Торма як и парох о. Михайло Режак хтори му пожадал успих нa його духовней драги.
На концу богослуженя о. Дацешен вирним подзелєл свой неоєрейски благослов и обращики як памятку на тоту красну подїю.
Пред тим о. Дацешен служел и свою першу Службу Божу у церкви Успеня Пресвятей Богородици у Бикичу вєдно зоз домашнїм парохом о. Владимиром Еделински Миколком и тиж вирним подзелєл свой неоєрейски благослов.
