РУСКИ КЕРЕСТУР – У парохиї св. о. Миколая у Руским Керестуре пияток, 5. юния, отримана перша редакцийна схадзка о Руским християнским календаре за 2027. рок.
На схадзки бул керестурски парох о. Владислав Варґа, о. Михайло Шанта, зоз НВУ ,,Руске слово” були – директор Борис Варґа, редакторки Ясмина Дюранїн, Олена Папуґа, и Марина Джуджар.
Бешедоване о часци Календара хтора будзе пошвецена духовним темом, начално утвердзени теми котри обробя особи зоз духовного швета, а дотхнути и потенциялни теми котри буду обробени у других рубрикох.
Як визначел парох керестурски о. Владислав Варґа, у духовним живоце, того року нєт даяки окремни подїї котри би могли буц ношаци теми, алє вшелїяк вельку часц своїх написох пошвеца Водици як месту дзе ше людзе сходза и находза, ялє и 60-рочнїци одходу перших руских хлапцох до Риму на школованє за священїкох.
Медзи цикавима змистами у идуцим Календару буду и теми як ше наша заєднїца отримує дзекуюци численим донаторским проєктом.
Утвердзени термини придаваня текстох, а шицко у складзе з тим же би Календар найпознєйше бул обявени початком децембра.