КУЛА/ВЕРБАС – Порядне пирсканє суньоґох на териториї населєних местох општинох Кула и Вербас будзе окончене у периодзе медзи 7. и 21. юнийом, сообщело компетентне подприємство „Циклонизация лоґистика” зоз Нового Саду котре окончує тоту роботу.
Пирсканє суньоґох будзе окончене у вечраших годзинох, зоз препаратами зоз активну материю ламбда-цихалотрин и делтаметрин, обидва су отровни за пчоли. Праве прето спозоренє пчоларом же би на час обезпечели кошнїци.