КОЦУР – Искрово кадети одбавели стреду, 3. юния у Коцуре дзешате коло у другей полусезони ПФЛ Суботица за кадетох, процив екипи ФК „Сутєска” зоз Бачкого Доброго Поля и страцели на своїм терену, а конєчни резултат бул 1:5.
ФК „Искра” – ФК „Сутєска” – 1:5. Ґол за екипу Искри дал Серґей Салонтаї.
За екипу Искрових кадетох бавели: Серґей Сакач, Далибор Караґача, Бошко Ґакович, Матия Новак, Василиє Дукич, Димитриє Коматина, Серґей Салонтаї, Славиша Салонтаї, Урош Неделькович, Дарко Уйфалуши и Лука Дорокхази (c).
До бависка вошол и Илия Майкич, а на лавочки ище бул Владан Попович.
У шлїдуюцим колу екипа Искри будзе бавиц нєшка, 6. юния у Суботици, процив трецепласованей екипи ФК „СУ Теам Спорт”. Стретнуце почнє на 11 годзин.