КОЦУР – Конєц свойого осемрочного школованя зоз преславу матурского вечара штварток, 5. юния, преславели и мали матуранти Основней школи „Братство єдинство” у Коцуре.
У пополадньових годзинох ше шицки зишли опрез школи и, як то уж и традиция, шветочно предефиловали по салу „Дейо”, дзе и того року була орґанизована преслава.
И предходних рокох, як и того дня, хвиля була кус пременлїва на матурски вечар маломатурантох, алє по конєц их заш лєм провадзело слунко. Поцешени родичи, родзина и товарише, як и числени валалчанє дефиле нашмеяних матурантох випровадзели зоз аплаузом.
Госци 43 школярох, од котрих 7 зоз руского оддзелєня, на матурским вечару були їх учительки Валерия Папуґа, Дюрдїца Полдруги и Єлена Русковски, класни Бояна Митошевич, Мелания Кочиш, Мария Зелич, Ясминка Олич Илчешин, Мария Сукнович, Марияна Петричевич и Мария Паїч, наставнїки и директорка коцурскей Основней школи Сенка Мученски.
