РУСКИ КЕРЕСТУР – Члени самоорґанизованей ґрупи младих зоз Руского Керестура, внєдзелю, 7. юния, орґанизовали ушорйованє, ошвиженє и пораєнє простору коло базену.
Циль тей акциї бул же би ше ушорело єден зоз популарних просторох нашого валалу як и же би ше го пририхтало за наиходзаце лєто, та внєдзелю ошмирґлани и офарбени канти за шмеце, лавочки и столи, тиж так ошмирґлани и офарбени огради на мосцику, а на лавочкох хтори були руйновани положени нови дески и офарбени.
Ошвиженє и материял за роботу обезпечели донаторе зоз валалу.
