БЕОҐРАД – Дарян Белак з Руского Керестура на вчера отриманим 39. „Єшеньским кросу Партизану” у Беоґрадзе освоєл златну медалю у катеґориї младших юниорох у обегованю на 2 000 метери.
Белак 2 километри пребегнул за 6:38,00, а представял свой Атлетски клуб „Войводина” з Нового Саду.
На Кросу участвовали вецей як 400 змагателє зоз Сербиї, а орґанизатор змаганя бул Атлетски клуб „Партизан” Беоґрад.