Зоз Шиду рушели гайзибани з миґрантами

автор влдї
848 Опатрене

ШИД – Перши гайзибани хтори превожа миґрантох зоз Шиду до Горватскей рушели вчера з гайзибанскей станїци у Шидзе, з чим зажило спорозуменє медзи двома державами о превоженю миґрантох.

Гайзибан миґрантох превожи до новонаправеного прилапююцого центру у Славонским Бродзе, а центер прилагодзени жимским условийом.

На рушаню першого гайзибану бул и комесар за вибеженцох и миґрантох Сербиї Владимир Цуцич, котри оценєл же нови способ преходу гранїци медзи Сербию и Горватску вельо гуманши за вибеженцох и же тота акция добре рушела.

4-Sid-02

Цуцич оценєл же би за 24 годзини мали буц превежени коло 6 000 особи, а о три-штири днї будзе закончени и прилапююци центер коло гайзибанскей станїци у Шидзе. После Принциповцу и готелу при Адашевцох, то будзе треци таки центер у Шидзе, а Цуцич наявел отверанє и штвартого, но ище нє позната його локация.

ПОВЯЗАНИ ТЕКСТИ