РУСКИ КЕРЕСТУР – На Општинским змаганю з математики Ґлориян Штранґар, школяр 3. класи ОШ „Петро Кузмяк” з Руского Керестура, освоєл треце место, а учи го учителька Веруна Медєши.
На змаганю з математики у керестурскей Школи участвовали аж 68-еро школяре од трецей по осму класу, з котрих 10-еро участвовали на Општинским змаганю.
З биолоґиї на Општинске змаганє иду аж 12-еро керестурски школяре од пиятей по осму класу, хтори на Школским завжали перши три места, док ше на змаганю з хемиї єден школяр зоз седмей класи пласовал на Општинске.
Зоз сербского як нємацеринского язика зоз Школского змаганя далєй ше пласовали пецеро школяре зоз седмей класи и штверо з осмей, а з нємецкого язика двойо школяре.