Лєм Войводина вецей поробела на защити женох – жертвох насилства

автор танюґ/сен
839 Опатрене

БЕОҐРАД – Прешло два роки як Сербия ратификовала Конвенцию Совиту Европи процив насилства над женми, а у тей обласци ище нєт значнєйши пременки. У одношеню на остаток Сербиї, лєм Войводина ше визначела по запровадзованю пременкох и унапредзела защиту женох, оценєне на медзинародней конференциї „Применьованє Конвенциї Совиту Европи процив насилства над женми – два роки од єй потвердзованя у Републики Сербиї”.

На защити од сексуалного насилства ище треба вельо робиц, гварене на тим сходзе хтори орґанизовал Автономни женски центер (АЖЦ). Центер порушал инициятиву же би ше направело заєднїцки протокол за шицки релевантни служби и запровадзело центри за потримовку жертвом.

З АЖЦ наглашели же Войводина и у тим напредовала, понеже уведла єдинствени СОС телефон за жертви и значно унапредзела защиту женох котри були силовани.

Ґу тому, пошвидко буду виробени модели за поступанє зоз жертвами, та у седем войводянских општинох буду запровадзени центри за потримовку жертвом.

ПОВЯЗАНИ ТЕКСТИ