НОРТ БЕТЛФОРД – У голу церкви св. Павла у Норт Бетлфорду у Канади, Руске дружтво всоботу, 31. октобра, орґанизовало Бал под масками з нагоди Ноци босоркох, на хторим були коло 45 фамелиї.
На Балу були вибрани найкрасши маски и найкреативнєйше украшени бундави, дзеци и старши ше змагали у рижних бавискох, вешелєло ше з музику, а даскельо шпиванки виведли и Дюра Барна и Желько Мики Сивч.
Руске дружтво тото друженє орґанизовало на инициятиву Марини Колошняї, котра за Рутенпрес гварела же су окреме задовольни же на Балу було вельо младих, як и же циль таких друженьох же би ше Руснаци у Канади цо частейше сходзели, а окреме дзеци.
Нащивителє на Балу могли дац и добродзечни прилог за керестурски Фодбалски клуб „Русин”, та назберани 500 долари, з чого нащивителє донирали 400, а 100 долари Руске дружтво.
Руснаци зоз саскачеванскей обласци шлїдуюце друженє буду орґанизовац за дочек Нового року.
