БЕОҐРАД – Мандат за составянє новей влади предсидатель Сербиї Томислав Николич вчера зверел предсидательови Сербскей напредней странки Александрови Вучичови.
Предсидатель Николич вчера з представителями 11 лїстинох, односно странкох и коалицийох хтори буду мац посланїкох у Скупштини Сербиї, закончел консултациї о формованю новей влади, а прешлого штвартку о тим бешедовал и з Александром Вучичом, чия лїстина „Сербия победзує” на позарядових парламентаних виберанкох 24. априла освоєла 131 з 250 местох у парламенту.
Остатнї термин за конституованє Скупштини Сербиї 4. юний, а после того нова влада ма буц формована найпознєйше о три мешаци.