РУСКИ КЕРЕСТУР – На електронскей схадзки, хтора тирвала од пондзелку, 9. фебруара по вчера до 12 г., члени Националного совиту Руснацох гласали о даваню согласноци на вибор Хелени Пашо Павлович за директорку Основней и штреднєй школи з домом школярох „Петро Кузмяк” у Руским Керестуре.
Спомедзи 19 членох Совиту гласали 17 и шицки дали позитивне думанє, односно свой глас „за” вибор Пашо Павловичовей на спомнуту функцию.
З тим НС Руснацох дал согласносц на вибор Хелени Пашо Павлович за директорку керестурскей Школи, а о тим ше тераз ма вияшнїц, односно вибор потвердзиц и Покраїнски секретарият за образованє, предписаня, управу и национални меншини-заєднїци.