РУСКИ КЕРЕСТУР – Национални совит (НС) Руснацох, як соснователь, дал позитивни думаня о Програми роботи и о Финансийним планє Заводу за културу войводянских Руснацох за 2015. рок. О спомнутих документох члени НС гласали на електронскей схадзки, хтора закончена 28. януара.
О електронскей схадзки були поинформовани шицки 19 члени Совиту, а гласали 18, понеже єден член пре технїчни причини нє могол послац свой глас по електронскей пошти.
Позитивне думанє на спомнути документи Заводу, односно свой глас „за” дали 11 члени НС, а седем були „стримани”, так же Програма и Финансийни план Заводу за тот рок прилапени, и як таки буду послати на даванє согласносци другому сосновательови – Покраїнскей влади.