РУСКИ КЕРЕСТУР – На першей пририхтуюцей схадзки за промоцию упису до рускей Ґимназиї, хтора отримана вчера, 17. марца, у Школи „Петро Кузмяк”, порадзене же ше Ґимназию будзе промововац у вецей местох дзе жию Руснаци, у медийох, а будзе виробени и промотивни материял, як и промотивни видео-знїмок.
Попри членох Одбору за образованє Националного совиту (НС) Руснацох з Керестура, як и його предсидательки Меланиї Римаровей, на схадзки були директорка Школи „Петро Кузмяк” Хелена Пашо Павлович и предсидатель Вивершного одбору НС Руснацох Желько Ковач.
Шлїдуюца схадзка будзе отримана 26. марца, кеди будзе конкретнєйше розробени план активносцох за промоцию Ґимназиї, а до теди би мали буц и витворени дзепоєдни зоз спомнутих задумкох з вчерайшей схадзки.