КОЦУР – Од 14. по 16. януар на Институту за славистику Бечского универзитету отримана биєнална Медзинародна конференция о славистики. На єдней з темох „Векшини-меншини: язични и културни идентитети славиї през историю и нєшка” руску националну меншину представял проф. др Михайло Фейса, з Одсеку за русинистику на Филозофским факултету у Новим Садзе.
Предшедуюци бул визначни фаховец у обласци славистики и микро-язикох проф. др Александер Дуличенко, а попри др Фейсу, о русинистики викладал и мр Валерий Падяк з Ужгороду, професор на Пряшовским уневерзитету у Словацкей. У Бечу мал викладац и академик Юлиян Тамаш, алє понеже бул одсутни, Фейса бешедовал и о рускей литератури.
На Конференциї орґанизована и вистава виданьох нашого Одсеку за русинистику, дзе виложени сербско-руски словнїки, та кнїжки Юлияна Тамаша „Велькосц малих”, „Центурион” и други.