Сотруднїцтво Русинох и Лемкох з погранїчного подруча

автор  зам
1.1k Опатрене

БАРДЕЙОВ (СЛОВАЦКА)/КРИНЇЦА (ПОЛЬСКА) – Пре очуванє и пестованє културней традициї Лемкох и Русинох з польско-словацкого погранїча, места Кринїца-Здрой и Бардейов отворели конкурс за роботи з обласци применєного дизайну и ґрафики инспировани з народну традицию двох етнїчних ґрупох.

Конкурс Lemkodesign/Rusnakdesign наменєни младим од 18 роки на вецей, же би на модерни способ презентовали културни подобносци Русинох и Лемкох на польско-словацким погранїчу, прейґ рекламох предметох, продуктох за каждодньове хаснованє, у дробней архитетктури и подобним.

Конкурс почал у януаре, тирва по юний того року, а роботи треба посилац до месних урядох Кринїца-Здрой и Бардейов, на чиїх веб-сайтох мож дознац вецей о тим конкурсу хтори финансийно потримує Медзинародни вишеґрдски фонд.

 

ПОВЯЗАНИ ТЕКСТИ