НОВИ САД – З нагоди животного ювилею, 70. рочнїци од народзеня академика Юлияна Тамаша, у новосадским Ресторану Фонтана (Николи Пашича 27), будзе отримана промоция вецей кнїжкох.
Слово о трох виданьох – Методолоґийни ориєнтациї у виучованю литератури (Алма, Беоґрад, 2020), Индивидуална поетика Владимира Кирди Болхорвеса (Прометей, Нови Сад, 2020) и Триски з велькей души (Руске слово, Нови Сад, 2020). Окрем автора, на промоциї буду бешедовац и Йован Делич, дописни член САНУ, проф. др Драґан Проле, з Филозофского факултету у Новим Садзе и Драґан Коїч, директор Городскей библиотеки.
Промоция почнє на 12 годзин, а после урядовей часци будзе почасценє и дискретна сербска, українска и руска музична програма.