Чедомир Божич напущел ДС, снує ґрупу гражданох

автор 021/зам
856 Опатрене

ЖАБЕЛЬ – Як 4. фебруара пренєсол сайт 021, предсидатель Општини Жабель Чедомир Божич напущел Демократску странку (ДС) и порушал инициятиву за снованє ґрупи гражданох, хтору будзе предводзиц на наиходзацих локалних виберанкох у тей општини.

Як гварел Божич, политично вецей нє будзе дїловац прейґ ДС, алє прейґ локалней политичней орґанизациї хтору снує, прето же би шицки места у општини мали швидши и ровномирнєйши розвой.

Як пише 021, за тераз ше коло 380 гражданє жадаю уключиц до будуцей ґрупи гражданох, о чиїм мену ше пошвидко буду вияшньовац на сновательней скупштини.

Чедомир Божич до марца 2014. року бул член ДС, кеди з цалим Општинским одбором ДС прешол до СДС Бориса Тадича, алє ше пред роком знова врацел до ДС.

ПОВЯЗАНИ ТЕКСТИ