АПАТИН – Дружтво пчоларох „Дунай” з Апатину на соботу, 4. юлия, у Банї Юнакович орґанизує совитованє за пчоларох зоз Заходнобачкого округу. Совитованє будзе у рамикох 52. Апатинских рибарских вечарох.
Заинтересовани пчоларе за участвованє най ше явя на телефон 063/77-99-008 (предсидатель Дружтва пчоларох „Дунай” Раде Стеванович), а сход плановани од 10 до 11 годзин.
На 11 г. фахове преподаванє о роботох з пчолами през лєто и о роботох на пририхтованю пчолох за жиму отрима Милько Шлївич з Крушевцу.
За учашнїкох будзе орґанизовани полудзенок, а по преподаваню и туристична плївба по Дунаю.