ШИД – По вчерайши дзень, през општину Шид прешли 130 000 миґранти, котри до Горватскей тераз найвецей преходза нєдалєко од Беркасова, коло Бапскей, а з часци и прейґ Товарнїку.
На спомнутих пунктох екипи Червеного крижу и други гуманитарни орґанизациї вибеженцом даваю гуманитарну и медицинску помоц.
По податкох з Червеного крижу Шид, до прилапююцого центру „Принциповец” ше дочасово змесцує жени з малима дзецми, пре одпочивок и медицинску помоц.
Як гварел заменїк предсидателя Општини Шид Желько Брестовачки, општина прави план за змесцованє миґрантох и до других будинкох, кед будзе потреби.