РУСКИ КЕРЕСТУР – На рибалову Еделински у Руским Керестуре внєдзелю, 16. новембра, було отримане змаганє у спортским риболову на фидер (Method Feeder).
На тим змаганю участвовали 15 учашнїки хтори були подзелєни до двох секторох – А и Б.
Резултати найлєпших у секторох:
Сектор А – Перше место освоєл Ґорислав Руман котри лапел 68,80 килограми риби, на другим месце Ивана Филко зоз лапени 57,78 килограми, а треце место завжал Милош Давидович котри лапел 43,68 килограми риби.
Сектор Б – Перше место освоєл Стеван Сабо котри лапел 41,50 килограми риби, на другим месце Радослав Тркуля зоз лапени 10,22 килограми, а треце место завжал Слободан Станкович котри лапел 7,62 килограми риби.
После законченей змагательней часци, найлєпшим у секторох додзелєни погари.
Орґанизатор и судия на змаганю у спортским риболову на фидер (Method Feeder) бул Мирко Фекете.
