РУСКИ КЕРЕСТУР – Зоз Здруженя спортских рибарох „Коляк” обвисцую своїх терашнїх членох, як и тих котри заинтересовани учланїц ше, же сцигли рибарски дозволи котри годно купиц на нєдзелю 25. януара од 9 до 12 годзин у просторийох Месней заєднїци у Спортскей гали. Зоз собу потребне принєсц стару дозволу, або фотоґрафию кед же ше купує по першираз.
Полна цена рибарскей дозволи виноши 9.000 динари, за пензионерох кошта 4.500, за инвалидох 800 динари, а тиж исто тельо и за дзеци возросту 14 по 18 роки. На цену дозволи за кажду катеґорию потребне додац и 1.000 динари за членску карту у Коляку.
Попри тим, мож купиц и єднодньову дозволу за 1.300 динари, як и седмодньову за 2.600 динари. За дзеци младши як 14 роки нє треба дозвола, алє муша буц вєдно зоз одроснуту особу котра ма дозволу, цо тераз ушорене на таки способ зоз новим Законом.
Шицки информациї мож достац при предсидательови ЗСР „Коляк” Миркови Фекетови на телефонске число 064/268-3751.