5. МАЙ – Нєшка Медзинародни дзень бабицох.
1818 – Народзени нємецки филозоф Карл Гайнрих Маркс (Трир, Нємецка, 5. май 1818 – Лондон, Зєдинєне кральовство, 14. марец 1883), бул политични економиста, историчар, новинар, социолоґ, єден з найвекших критичарох капитализму и теоретичар модерного социялизма и комунизма
1846 – Народзел ше польски писатель Генрик Сєнкєвич (Вола Окжейска, Польска, 5. май 1846 – Вевей, Швайцарска, 15. новембер 1916), добитнїк є Нобеловей награди за цалосну литературу 1905. року, найпознатши його роман Quo vadis.
1883 – Народзел ше сербски композитор и музични писатель Петар Коньович (Чуруґ, 5. май 1883 – Беоґрад, 1. октобер 1970), бул ректор Музичней академиї у Беоґрадзе, член Сербскей академиї наукох и уметносцох и управнїк Музиколоґийного института.
1921 – Модна креаторка Коко Шанел представела леґендарну пахнячку Шанел бр. 5 (Chanel No. 5).
1949 – У Лондону основани Совит Европи (Council of Europe – CoE), медзинародна орґанизация хторей циль потримовац людски права и демократию и владанє права у Европи. Шедзиско орґанизациї нєшка у Стразбуру.
Нєшка Медзинародни дзень бабицох. Заповадзела го 1992. року Медзинародна конфедерация бабицох (International Confederation of Midwives – ICM).
Нєшка Шветови дзень борби процив астми. Запровадзела го Ґлобална инициятива за астму, а означує ше першого вовторку у маю од 1998. року.