7. МАЙ – На нєшкайши дзень ше народзел Александер Духнович.
1803 – Народзел ше священїк Александер Василєвич Духнович (Тополя, Словацка, 7. май 1803 – Прешов, Словацка, 30. април 1865), бул грекокатолїцки паноцец, национални будитель Русинох у восточней Словацкей и Закарпат’ю, поета, писатель, етноґраф, публициста. Автор є тексту шпиванки Я Русин бул, єсм и буду, хтора шпивана як гимна на Сновательней скупштини Руского народного просвитного дружтва. З його меном, у новембре 1945. року у Прешове у Словацкей основани Театер Александер Духнович.
1833 – Народзени нємецки композитор и пиянист Йоханес Брамс (Гамбурґ, Нємецка, 7. май 1833 – Беч, Австрия, 3. април 1897).
1840 – Народзел ше композитор Петар Илїч Чайковски (Воткинск, Русия, 7. май 1840 – Санкт Петербурґ, Русия, 6. новембер 1893).
1892 – Народзел шe предсидатель Социялистичней Федеративней Републики Югославиї, Йосип Броз Тито (Кумровец, 7. май 1892 – Любляна, 4. май 1980), бул югославянски комунистични револуционер, предсидатель Союзу комунистох Югославиї, бул премиєр (1943–1963), а познєйше и предсидатель (1953–1980) Социялистичней Федеративней Републики Югославиї. Бул и вожд Руху нєвязаних жемох. Йосип Броз Тито умар у Медицинским центру у Любляни, 4. мая 1980. року на 15:05 годзин. Поховани є 8. мая и Хижи квеца на Дединю у Беоґрадзе, а окрем барз велкого числа гражданох присуствовали и 209 делеґациї зоз 128 жемох, по официйних податкох присустни були 4 кральове, 6 принци, 31 предсидатель, 22 премиєре и 47 министрове вонкашнїх дїлох.
1946 – Основана компания Токио Телекомуникейшн Енджиниринґ, хтора познєйше постала позната под назву Сони (Sony).