11. МАЙ – Нєшка национални дзень добродзечних давательох креви.
330 – Римски цар Константим Перши Вельки преглашел гречески город Визант за нову престолнїцу Римского царства. Город, котри по нїм наволани Константинополь (Цариґрад) освоєли Турки и як Истанбул бул престолнїца Отоманского царства.
1896 – Народзел ше композитор Йосип Славенски.
1904 – Народзел ше надреалистични маляр Салвадор Дали.
1953 – Народзел ше кантавтор, писатель и сценарист Дьордє Балашевич (Нови Сад, 11. май 1953 – Нови Сад, 19. фебруар 2021). Бул член музичних ґрупох Жетва и Рани мраз, а 1982. року започал соло кариєру. Обявел 12 музични албуми, ґлумел у вецей телевизийних серийох, за хтори писал и музику.
1997 – Суперкомпютер компаниї ИМБ Глїбоке белаве победзел шветового шампиона у шаху, велемайстра Ґария Каспарова.
2000 – У Индиї ше народзел милиярдити житель на нашей планети.
Нєшка Дзень добродзечних давательох креви у Сербиї. Означує ше як здогадованє на 11. май 1945. року, кед отримана перша акция добродзечного даваня креви у нашей жеми.