НОВИ САД – У голу Покраїнскей влади нєшка, 14. мая на 11 годзин додзелї ше награди найуспишнєйшим воспитно-образовним установом у рамику Програми За чистейши и желєнши школи у Войводини за школски 2025/2026 рок.
Наградзени 53 воспитно-образовни установи зоз АП Войводини. Медзи наградзенима и Основна и штредня школа зоз домом школярох Петро Кузмяк з Руского Керестура.
У реализациї програми участвовали вецей покраїнски секретарияти (ПС): ПС за урбанизем и защиту животного стредку, ПС за образованє, предписаня, управу и национални меншини – национални заєднїци, ПС за енерґетику, будовательство и транспорт, ПС за польопривреду, водопривреду и лєсарство и ПС за привреду и туризем, тиж участвовал и Город Нови Сад – Городска управа за защиту животного стредку, ЯП Войводиналєси и Рух горякох Войводини.