РУСКИ КЕРЕСТУР – На Фестивалу култури „Червена ружа” будзе и штанд НВУ „Руске слово” на хторим нащивителє годни купиц кнїжки зоз його видавательства, а по знїжених ценох 30 одсто, як то уж традицийно на наших манифестацийох.
Купиц годно од найновших виданьох як цо сликовнїци за дзеци Шпациранє по вселени, Заграда, Мойо перши слова, Квитки з мамовей загради та велї други скорейши наслови. Купиц годно и виданя за старших од Традиционалного русинского кувара (виданє по сербски), кнїжку о Руснацох у канадским Саскачевану, гуморески После файронта, Руски народни шпиванки на пожичени теми и велї други скорейши виданя.