НОВИ САД – Покраїнски секретарият за енерґетику и минерални сировини розписал седем явни конкурси за додзельованє безповратних средствох, чия вредносц 174 милиони динари.
Медзи нїма и конкурси на хтори нєвладово орґанизациї и нєпрофитни институциї можу конкуровац з проєктами за унапредзенє знаня предшколских дзецох и школярох основних и штреднїх школох о ефикасному хаснованю енерґиї.
Безповратни средства ше додзелї и за софинансованє проєктох за применьованє соларней енерґиї у залївних системох.
Вецей информациї о розписаних конкурсох мож опатриц на сайту ресорного секретарияту www.psemr@vojvodina.gov.rs